Resolución do 10 de xaneiro de 2023 pola que se modifica o anexo II da Orde do 9 de decembro de 2020 pola que se aproban os diferentes modelos de autoliquidación do imposto sobre transmisións patrimoniais e actos xurídicos documentados na Comunidade Autónoma de Galicia e se regula o procedemento e as condicións para o seu pagamento e presentación, así como determinadas obrigacións formais e de subministración de información tributaria
NORMA CONSOLIDADA
A Orde do 9 de decembro de 2020 aprobou os diferentes modelos de autoliquidación do imposto sobre transmisións patrimoniais e actos xurídicos documentados na Comunidade Autónoma de Galicia e regula o procedemento e as condicións para o seu pagamento e presentación, así como determinadas obrigacións formais e de subministración de información tributaria.
Para adaptar os anexos da devandita orde aos diversos cambios normativos modificáronse nas resolucións da Axencia Tributaria de Galicia do 25 de xaneiro, 4 de marzo, 14 de maio de 2021 e do 10 de xaneiro de 2022.
A Lei 31/2022, do 23 de decembro, de presupostos xerais do Estado, actualizou nun 2 por cento a escala de gravame dos títulos e grandezas nobiliarios aplicable no imposto sobre transmisións patrimoniais e actos xurídicos documentados.
O exposto fai necesario modificar no anexo II da Orde do 9 de decembro de 2020 o cadro de concepto/clave/tipo do modelo 600, e para iso é competente a persoa titular da Dirección da Axencia Tributaria de Galicia con base na habilitación normativa prevista na disposición adicional sexta da devandita orde.
En consecuencia,
RESOLVO:
Primeiro
Modificar no anexo II da Orde do 9 de decembro de 2020 o cadro de concepto/clave/tipo do modelo 600 que pasa a ser o seguinte:
ANEXO II
Modelo 600
![[figura]](/documents/154446/229278/res_ATG------_1001A_2023_20230110_00001.png?version=1.0)
![[figura]](/documents/154446/229278/res_ATG------_1001A_2023_20230110_00002.png?version=1.0)
Segundo
Esta resolución entrará en vigor o día da súa publicación.
Disposición transitoria
O modelo 600 en papel, modificado nesta resolución, seguirá tendo validez e eficacia ata o seu esgotamento.
Santiago de Compostela, 10 de xaneiro de 2023
Mª Victoria González Vázquez
Directora da Axencia Tributaria de Galicia
Este documento é de carácter informativo e non ten valor xurídico. Está elaborado unicamente a partir das normas publicadas en Lex.gal. Consulte a información contida ao respecto na sección de preguntas frecuentes.
Volver