Resolución Reitoral do 02-03-2023 pola que se actualiza a acreditación de compentencias lingüísticas adquiridas polo alumnado de grao da USC e de titulacións de ordenacións anteriores
NORMA CONSOLIDADA
Mediante Resolución do 5 de xuño de 2015 establecéronse os niveis de coñecemento de idioma estranxeiro que se acadan unha vez cursadas determinadas titulacións de grao impartidas na USC. No anexo desta resolución recollíanse os módulos de diversas titulacións que outorgaban competencias lingüísticas correspondentes ao Marco Común Europeo de Referencia para as Linguas (MCERL). A dita resolución refundiu e ampliou resolucións anteriores sobre estas correspondencias.
O propósito da Resolución ao establecer a dita correspondencia era facilitar ao alumnado da USC a acreditación de competencias lingüísticas tanto para a obtención dunha titulación de grao na USC (inicialmente a USC estableceu como requisito para a obtención dun título de grao a acreditación dunha competencia lingüística nunha lingua estranxeira ao nivel B1) como para a admisión en titulacións que recollían algún requisito lingüístico (p.e.: Máster Universitario en Profesorado).
Aínda que xa non se precisa a acreditación de competencias lingüísticas para obter as titulacións de grao na USC, o alumnado solicita frecuentemente constancia da adquisición destas competencias con diversas finalidades (acreditación de competencias lingüísticas nas universidades receptoras de alumando de intercambio, etc.). Esta necesidade é salientable no caso do alumando da Facultade de Filoloxía, polo que a súa Xunta de Facultade emitiu un acordo na sesión do 3/6/2022 no que revisou e actualizou as correspondencias que figuraban no Anexo da RR do 5 de xuño.
En vista de todo o anterior, esta reitoría
RESOLVE:
PRIMEIRO.-
Actualizar o cadro coas competencias linguísticas adquiridas polo alumnado de titulacións de grao da USC e de titulacións de ordenacións anteriores ao RD1393/2007 de acordo co indicado no Anexo.
SEGUNDO.-
Para a acreditación destas competencias lingüísticas será suficiente con ter superado o módulo ou módulos que se indican no anexo, polo que non será preciso ter rematada a titulación correspondente.
TERCEIRO.-
Queda derrogada a resolución reitoraL de 5/06/2015 que regulaba esta materia.
Esta resolución entrará en vigor desde a súa publicación no Taboleiro Electrónico da Universidade.
O Reitor
Antonio López Díaz
ANEXO
| Titulación | Materia / Módulo | Competencia lingüística (MERCL) |
|---|---|---|
| Grao en Ciencias da Cultura e difusión Cultural | G5101105 Idioma Moderno I (Lingua Inglesa) | B1 |
| G5101104 Idioma Moderno I (Lingua Francesa) | B1 | |
| G5101115 Idioma Moderno II (Lingua Inglesa ) | B1 | |
| G5101114 Idioma Moderno II (Lingua Francesa) | B2 | |
| Grao en Filoloxía Clásica; Lingua e Literatura Españolas, Lingua e Literatura Galegas, Lingua e Literatura Inglesas, e Linguas e Literaturas Modernas | Formación Básica da Lingua Alemá | A2 |
| Formación Básica da Lingua Francesa | A2 | |
| Formación Básica da Lingua Inglesa | B1 | |
| Formación Básica da Lingua Italiana | A2 | |
| Formación Básica da Lingua Portuguesa | B1 | |
| Modalidade Maior das titulacións: Grao en Linguas e Literaturas Modernas (alemán, francés, italiano, portugués) e Grao en Lingua e Literatura Inglesas | Maior en Lingua e Cultura Alemás | C1 |
| Maior en Lingua e Literatura Francesas | C2 | |
| Maior en Lingua e Literatura Inglesas | C2 | |
| Maior en Lingua e Literatura Italianas | C1 | |
| Maior en Lingua e Literatura Italianas + Módulo optativo de especialización en LL Italianas | C2 | |
| Maior en Lingua Portuguesa e Literaturas Lusófonas | C2 | |
| Modalidade Minor dos graos en linguas: Grao en Filoloxía Clásica; Lingua e Literatura Españolas, Lingua e Literatura Galegas, Lingua e Literatura Inglesas, e Lingua e Literaturas Modernas de Alemán; Francés; Italiano; Portugués | Estudos Ingleses | C1 |
| Estudos Lusófonos | C1 | |
| Lingua e Literatura Alemás | B2 | |
| Lingua e Literatura Francesas | B2 | |
| Lingua e Literatura Italianas | B2 | |
| Outros módulos dos graos en linguas: Grao en Filoloxía Clásica; Lingua e Literatura Españolas, Lingua e Literatura Galegas, Lingua e Literatura Inglesas, e Lingua e Literatura Modernas (alemán; francés; italiano; portugués; linguas románicas) | Módulo Complementario en Estudos Ingleses I | B2 |
| Módulo Complementario en Estudos Lusófonos I | B2 | |
| Módulo Complementario en Lingua e Literatura Alemás | B1 | |
| Módulo Complementario en Lingua e Literatura Francesas I | B1 | |
| Módulo Complementario en Lingua e Literatura Italianas I | B1 | |
| Módulo de Catalán. Lingua, Cultura e Literatura | B1 | |
| Módulo de Lingua e Literatura Occitanas | A2 | |
| Módulo de Lingua e Literatura Romanesas | A2 | |
| Módulo de Lingua e Literatura Danesas | B1 |
| Titulación | Materia / Módulo | Competencia lingüística (MERCL) |
|---|---|---|
| Alumnos con lingua materna distinta do español e do galego que cursen algún dos graos en linguas | Formación Básica da Lingua española | B1 |
| Formación Básica da Lingua galega | B1 | |
| Módulo complementario en Lingua e Cultura Catalá | B1 | |
| Grao en Mestre en Educación Infantil (Orde ECI/3854/2007, 27 de decembro pola que se establecen os requisitos para a verificación dos títulos oficiais que habiliten para o exercicio da profesión de Mestre en Educación Infantil ) | Aprendizaxe de linguas en Contextos multilingües (mód. Didáctico Disciplinar - Inglés) | B1 |
| Grao en Mestre en Educación Primaria (Orde ECI/3857/2007, 27 de decembro pola que se establecen os requisitos para a verificación dos títulos oficiais que habiliten para o exercicio da profesión de Mestre en Educación Primaria ) | Ensino e aprendizaxe de competencias comunicativas (Alemán, Inglés, Portugués e Francés) | B1 |
| Alumnos con lingua materna distinta do español e do galego que cursen algún dos graos de Mestres acadarán a competencia lingüística de Castelán e Galego equivalente ao | C1 | |
| Grao en Xestión de Pequenas e Medianas Empresas | Inglés para comunicación comercial II | B1 |
| Grao en Xestión Cultural (modalidades presencial e semipresencial) | Inglés para usos profesionais I | B1 |
| Inglés para usos profesionais II | B2 | |
| Linguas internacionais para a xestión cultural. Francés | A2 | |
| Linguas internacionais para a xestión cultural. Portugués | B1 | |
Titulados conforme a ordenacións anteriores ao RD 1393/2007:
| Licenciados en Filoloxía que inclúan o estudo dunha lingua estranxeira como materiaobrigatoria | B1 |
|---|---|
| Licenciados en Humanidades que teñan superadas as seguintes materias dunha mesmalingua: Primeira Lingua Estranxeira (Francés I, Inglés I); Primeira Lingua Estranxeira(Francés II, Inglés II); Literatura da primeira Lingua Estranxeira I (Francés/Inglés) | B1 |
| Mestres Especialidade en Lingua Estranxeira | B1 |
| Alumnos que teñan superadas materias dunha lingua estranxeira nestas ou outrastitulacións, que proporcionen competencias lingüísticas instrumentais e o número mínimode créditos da totalidade destas materias dunha mesma lingua sexa de 24 | B1 |
Este documento é de carácter informativo e non ten valor xurídico. Está elaborado unicamente a partir das normas publicadas en Lex.gal. Consulte a información contida ao respecto na sección de preguntas frecuentes.
Volver