O subministro inmediato de información (SII) comeza o día 1 de xullo de 2017. Os prazos para enviar os datos de facturación á Axencia Tributaria son de oito días (excluídos sábados, domingos e festivos nacionais), prazo que a partir de 1 de xaneiro de 2018 será de catro días.

O procedemento de xestión que se establece nesta universidade con tal motivo será o seguinte:

FACTURACIÓN RECIBIDA

1. As obrigas contabilizadas en SIC-3 e que se correspondan con “documento de gasto factura” transmitiranse á Axencia Tributaria pola área TIC mediante “servizos web” (ficheiros electrónicos ”xml”).

2. O intre da transmisión corresponde co de consignación en e-SICUS de que as obrigas están contabilizadas (con código emisión SIC).

3. Os erros que no seu caso devolva a Axencia Tributaria á área TIC serán comunicados ao servizo de contabilidade, orzamentos e tesouraría para que os resolva de tratarse de cuestións de índole contable.

FACTURACIÓN EXPEDIDA

1. A facturación expedida pola USC mediante o programa e-SICUS e o programa de facturación da OIT será transmitida á Axencia tributaria mediante “servizos web” pola área TIC no prazo establecido normativamente.

2. A facturación do resto de centros e servizos da universidade, namentres non se descentralice o módulo de facturación do programa e-SICUS e se adapten as aplicacións ou ficheiros de saída das aplicacións de facturación existentes, será transmitida polo servizo de contabilidade, orzamentos e tesouraría introducindo manualmente os datos requiridos de facturación no “formulario publicado na sede electrónica da axencia tributaria”.

3. Os diferentes centros da universidade indicados no apartado 2 anterior enviarán ao servizo de contabilidade a facturación expedida como máximo o día seguinte. O envío realizarase ao correo electrónico facturacion.siiusc.es e consistirá nun ficheiro “pdf” por cada factura expedida. Unha vez remesada a factura non poder ser modificada agás previa autorización do servizo de contabilidade, orzamentos e tesouraría.

4. Os servizos que teñen aplicación propia de facturación (publicacións, deportes, residencias), ademais dos pdf indicados no punto anterior terán que enviar o resume diario das facturas simplificadas (sen NIF) indicando o total da “base impoñible”, “IVE repercutido”e o “número inicial e final” das vendas ou servizos do día; o envío destas facturas simplificadas debe realizarse o máis axiña posible para que o servizo de contabilidade, orzamentos e tesouraría poida cumprir o prazo de 8 días (ou 4 días a partires do 1 de xaneiro de 2018).