ACORDO DO CONSELLO DE GOBERNO DO 28 DE OUTUBRO DE 2022 POLO QUE SE APROBA A MODIFICACIÓN DO REGULAMENTO SELECCIÓN DE PERSOAL INVESTIGADOR E DE APOIO Á INVESTIGACIÓN NO MARCO DE ACTIVIDADES E PROGRAMAS DE I+D+I DA UNIVERSIDADE DE SANTIAGO DE COMPOSTELA.

O 27 de setembro de 2019, o Consello de Goberno aprobou por asentimento o Regulamento de selección de persoal investigador e de apoio á investigación no marco de actividades e programas de I+D+i.

O 29 de outubro de 2019, acordou realizar unha corrección de erros no Regulamento de selección de persoal investigador e de apoio á investigación no marco de actividades e programas de I+D+i, coa eliminación do apartado 3 do artigo 7 e a renumeración dos apartados seguintes do mesmo artigo.

O 7 de febreiro de 2020 Consello de Goberno na sesión ordinaria celebrada o 7 de febreiro de 2020, acordou modificar o Regulamento de selección de persoal investigador e de apoio á investigación no marco de actividades e programas de I+D+i, retirando a disposición adicional única e a referencia que á mesma se facía no apartado II da introdución.

O regulamento no seu articulado fai referencia unicamente a contratos de obra e servizo determinados, o que fai necesaria a súa modificación para a adaptala ao contexto normativo vixente actualmente tras a entrada en vigor do Real decreto-lei 32/2021, do 28 de decembro, de medidas urxentes para a reforma laboral, a garantía de estabilidade no emprego e a transformación do mercado de traballo e da Lei 17/2022, do 5 de setembro, pola que se modifica a Lei14/2011, do 1 de xuño, da ciencia, a tecnoloxía e a innovación.

En primeiro lugar, o actual artigo 20.2 da Lei 14/2011, do 1 de xuño, da ciencia, a tecnoloxía e a innovación, dispón que ” Poderán contratar persoal investigador a través das modalidades de contrato de traballo específicas que se establecen nesta sección as seguintes entidades:

a) Os Organismos Públicos de Investigación da Administración Xeral do Estado e os organismos de investigación doutras Administracións Públicas, incluídos os centros do Sistema Nacional de Saúde ou vencellados ou concertados con este, as fundacións do sector público e os consorcios públicos de investigación.

b) As universidades públicas.

Ademais, as entidades citadas poderán contratar persoal investigador a través das modalidades de contrato de traballo establecidas polo texto refundido da Lei do Estatuto dos Traballadores” En segundo lugar, o artigo 15 do Estatuto dos Traballadores establece o seguinte:

“1. O contrato de traballo presúmese concertado por tempo indefinido.

O contrato de traballo de duración determinada soamente poderá celebrarse por circunstancias da produción ou por substitución da persoa traballadora.

Para que se entenda que concorre causa xustificada de temporalidade será necesario que se especifiquen con precisión no contrato a causa habilítante da contratación temporal, as circunstancias concretas que a xustifican e a súa conexión coa duración prevista”.

En terceiro lugar, a entrada en vigor da reforma laboral implica a limitación da formalización dos contratos temporais para supostos excepcionais e que se adecúen ao recollido no Estatuto dos Traballadores e na Lei da Ciencia. Para maior abastanza, a Disposición adicional décima da Lei 17/2022, do 5 de setembro, pola que se modifica a Lei14/2011, do 1 de xuño, da ciencia, a tecnoloxía e a innovación, recolle o seguinte:

“Condicións de aplicación de modalidades de contratación temporal no marco do Plan de Recuperación, Transformación e Resiliencia e fondos europeos non competitivos.

No ámbito de aplicación da presente lei só será de aplicación a disposición adicional quinta do Real decreto-lei 32/2021, do 28 de decembro, de medidas urxentes para a reforma laboral, a garantía de estabilidade no emprego e a transformación do mercado de traballo, en relación coa reforma das modalidades de contratación temporal, cando se trate de contratos de duración determinada por parte das entidades que integran o sector público, reguladas no artigo 2 do Real decreto-lei 36/2020, do 30 de decembro, polo que se aproban medidas urxentes para a modernización da Administración Pública y para a execución do Plan de Recuperación, Transformación e Resiliencia, sempre que os ditos contratos se atopen asociados á estrita execución do Plan de Recuperación, Transformación e Resiliencia e soamente polo tempo necesario para a execución dos citados proxectos, así como para contratos necesarios para a execución de programas de carácter temporal cuxa financiación dependa de fondos europeos non competitivos. Os celebrados antes da entrada en vigor desta lei ao abeiro da citada disposición adicional quinta manterán a súa vixencia ata o cumprimento da duración fixada, co límite máximo de tres años contados a partir da data de entrada en vigor da presente lei” Ao anterior, hai que engadir, a posibilidade de formalizar contratos de actividades científico-técnicas de duración indefinida ao abeiro do artigo 23 bis da Lei 14/2011, do 1 de xuño, da ciencia, a tecnoloxía e a innovación, que aquí se reproduce:

“Artigo 23 bis. Contrato de actividades científico-técnicas.

1. O obxecto dos contratos de actividades científico-técnicas será a realización de actividades vinculadas a liñas de investigación ou de servizos científicotécnicos, incluíndo a xestión científico-técnica destas liñas que se definen como un conxunto de coñecementos, inquedanzas, produtos e proxectos, construídos de xeito sistemático arredor dun eixe temático no que conflúan actividades realizadas por un ou máis grupos de investigación e requirira o seu desenvolvemento seguindo as pautas metodolóxicas axeitadas en forma de proxectos ou contratos de I+D+I.

2. Os contratos de actividades científico-técnicas, de duración indefinida, non formarán parte da Oferta de Emprego Público nin dos instrumentos similares de xestión das necesidades de persoal ao que se refire o artigo 70 do texto refundido da Lei do Estatuto Básico do Empregado Público, nin a súa convocatoria estará limitada pola masa salarial do persoal laboral. (...)” Ao abeiro do exposto, en virtude das competencias atribuídas polos Estatutos da Universidade de Santiago de Compostela, o Consello de Goberno na súa sesión do 28 de outubro de 2022, ACORDOU