A Lei orgánica 2/2023, do 22 de marzo, do sistema universitario, dispón no seu artigo 89.3, o seguinte:

“El personal técnico, de gestión y de administración y servicios funcionario se rige por lo establecido en esta ley orgánica y en el texto refundido de la Ley del Estatuto Básico del Empleado Público, así como por los Pactos y Acuerdos previstos en su artículo 38.(…)

Asimismo, este personal funcionario y laboral se regirá por lo dispuesto en los Estatutos de las universidades. En relación con este personal, corresponde a las Comunidades Autónomas la regulación de las materias expresamente remitidas por esta ley orgánica y aquellas otras que puedan corresponderle en el ámbito de sus competencias”.

O artigo 76 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, regula os grupos de clasificación do persoal funcionario de carreira. Deste modo, os corpos e escalas clasifícanse de acordo coa titulación esixida para o acceso aos mesmos, nos seguintes grupos:

a) Grupo A, dividido nos subgrupos A1 e A2:título universitario de grao, agás nos supostos nos que a Lei esixa outro título universitario.

b) Grupo B:título de técnico superior.

c) Grupo C, dividido nos subgrupos C1 e C2:título de bacharel ou técnico para o subgrupo C1 e título de graduado en educación secundaria obrigatoria para o subgrupo

C2 Pola súa banda, a Lei 2/2015, do 29 de abril, do emprego público de Galicia, establece, no seu artigo 8, que o persoal funcionario de administración e servizos das universidades públicas galegas réxese pola dita lei en todo o que non estea expresamente regulado pola lexislación orgánica de universidades e as súas disposicións de desenvolvemento

Así mesmo, o artigo 36.4 dos Estatutos da Universidade de Santiago de Compostela

(Decreto 14/2014, do 30 de xaneiro, DOG nº 29, do 12 de febreiro) sinala que o persoal funcionario de administración e servizos réxese pola Lei orgánica de universidades e as disposicións autonómicas que a desenvolvan, polo Estatuto básico do empregado público e as disposicións de desenvolvemento deste que aprobe a Comunidade Autónoma de Galicia, e por estes Estatutos e a súa normativa de desenvolvemento.

A continuación, no seu artigo 40, declara que os grupos de clasificación profesional do persoal técnico de xestión, de administración e servizos funcionario da Universidade, son os establecidos no devandito artigo 76 do Estatuto básico do empregado público.

De conformidade co artigo 21 da Lei 30/1984, de 2 de agosto, de medidas para a reforma da función pública, os postos de traballo do persoal funcionario clasifícanse en 30 niveis.

O nivel de posto é un dos elementos de clasificación de postos de traballo de réxime funcionarial, baseada nunha escala progresiva e xerárquica desde o nivel 1 ao 30 e con efectos organizativos, de promoción profesional, retributivos e sancionadores.

Na Universidade de Santiago de Compostela, a través das correspondentes modificacións de Relacións de Postos de Traballo, aprobadas polos órganos e goberno co acordo da representación sindical, foron mudando os niveis dos postos base e dos postos singularizados de cada subgrupo e escala do persoal técnico, de xestión e de administración e servizos funcionario ao longo dos anos.

Ao abeiro da autonomía universitaria recollida no artigo 27.10 da Constitución, da potestade de autoorganización da Universidade, e baixo o principio de seguridade xurídica, que se configura como básico do noso ordenamento xurídico que garante a certeza e, conseguintemente, a preditibilidade e a confianza lexítima en relación coa actividade administrativa, cómpre determinar regulamentariamente os niveis mínimos e máximos dos subgrupos dos corpos ou escalas do persoal funcionario técnico de xestión, de administración e servizos da Universidade de Santiago de Compostela.

Á vista do exposto, a proposta da Xerencia, previo informe da Xunta de persoal funcionario técnico, de xestión, de administración e servizos, en virtude das competencias atribuídas polos Estatutos da Universidade de Santiago de Compostela, o Consello de Goberno, na súa sesión do 28 de maio de 2025, ACORDA: