Ao abeiro do establecido no punto primeiro da disposición adicional primeira dos Estatutos da Universidade de Santiago de Compostela, aprobados polo Decreto 14/2014, do 30 de xaneiro, a USC vén recoñecendo a actividade desenvolvida dos colaboradores docentes e titores clínicos das Facultades de Medicina e Odontoloxía, de Enfermaría e de Psicoloxía cunha acreditación honorífica.

Este recoñecemento, sen embargo, non é suficiente para os efectos da acreditación para figuras de profesorado universitario, dado que non cuantifica en horas a colaboración docente desenvolvida. Tendo en conta que a Universidade dispón de datos das persoas que realizaron a actividade de colaborador/a docente ou titor/a clínico/a desde 2017 e que o labor de titorización clínica non abrangue toda a xornada, estímase conveniente recoñecer 60 horas anuais de docencia práctica clínica ás persoas que foron designadas como colaboradores/as docentes ou titores/as clínicos/as dende esa data.

En consecuencia, o Consello de Goberno, na súa sesión do 21 de marzo de ACORDA: