Norma Consolidada
Publicado en: DOG 94 16/05/2022
Departamento: Presidencia da Xunta
Estado: En vigor
Elixido e investido polo Parlamento de Galicia dos poderes propios do presidente da Xunta de Galicia, segundo o Estatuto de autonomía, conforme o disposto nos artigos 15 e 18 da Lei 1/1983, do 22 de febreiro, de normas reguladoras da Xunta e da súa Presidencia, en virtude das atribucións que me confire o artigo 26.1 do mesmo texto legal para crear, modificar ou suprimir mediante decreto as vicepresidencias e consellerías da Xunta de Galicia, e tendo en conta os criterios de eficacia e economía que deben inspirar a actuación e a organización administrativa,
DISPOÑO:
Artigo 1
A Xunta de Galicia estará integrada polas vicepresidencias e consellerías que a seguir se relacionan:
– Vicepresidencia Primeira e Consellería de Economía, Industria e Innovación.
– Vicepresidencia Segunda e Consellería de Presidencia, Xustiza e Deportes.
– Consellería de Facenda e Administración Pública.
– Consellería de Medio Ambiente, Territorio e Vivenda.
– Consellería de Infraestruturas e Mobilidade.
– Consellería de Cultura, Educación, Formación Profesional e Universidades.
– Consellería de Promoción do Emprego e Igualdade.
– Consellería de Sanidade.
– Consellería de Política Social e Xuventude.
– Consellería do Medio Rural.
– Consellería do Mar.
Artigo 2
A orde de prelación das consellerías manterase segundo o establecido no artigo anterior.
Disposición transitoria
Mentres non se proceda ao desenvolvemento da estrutura contida neste decreto, os órganos superiores e de dirección existentes manterán a súa estrutura e funcións.
Disposición derrogatoria
Quedan derrogadas cantas disposicións de igual ou inferior rango se opoñan ao disposto neste decreto.
Disposición derradeira primeira
O Consello da Xunta determinará a estrutura orgánica das vicepresidencias e das consellerías previstas neste decreto.
Disposición derradeira segunda
A Consellería de Facenda e Administración Pública realizará as modificacións e habilitacións orzamentarias precisas para o cumprimento do previsto neste decreto.
Disposición derradeira terceira
Este decreto entrará en vigor o mesmo día da súa publicación no Diario Oficial de Galicia.
Santiago de Compostela, quince de maio de dous mil vinte e dous
Alfonso Rueda Valenzuela
Presidente
Este documento é de carácter informativo e non ten valor xurídico. Está elaborado unicamente a partir das normas publicadas en Lex.gal. Consulte a información contida ao respecto na sección de preguntas frecuentes.