Acordo do Consello de Goberno do 30 de abril de 2025, polo que se modifica a normativa de avaliación do rendemento académico dos estudantes e de revisión de cualificacións
NORMA CONSOLIDADA
A Normativa de avaliación do rendemento académico dos estudantes e de revisión de cualificacións foi aprobada no Consello de Goberno do 15 de xuño de 2011 e publicada no DOG do 21 de xullo. No seu artigo 8 contémplase o sistema de revisión de cualificacións.
Dado o tempo transcorrido dende a súa aprobación a as novas circunstancias concorrentes considérase necesaria unha modificación parcial do seu contido, en particular, a revisión da redacción deste precepto para evitar interpretacións diverxentes. Así mesmo, enténdese procedente reducir os prazos de revisión para axilizar a inclusión das cualificacións no expediente académico do estudantado.
Por todo o anterior proponse ao Consello de Goberno a modificación da Normativa de avaliación do rendemento académico dos estudantes e de revisión de cualificacións.
Único.
Modifícase o apartado 2 do artigo 8 da Normativa de avaliación do rendemento académico dos estudantes e de revisión de cualificacións, que pasa a ter a seguinte redacción:
Artigo 8.- Revisión de cualificacións.
2. A revisión levarase a cabo en dúas datas opcionais e deberá realizarse entre o día hábil seguinte á publicación dos resultados e o sétimo día hábil. Procurarase que estas revisións se poidan levar a cabo en horarios alternativos e que a segunda data sexa posterior ao terceiro día hábil. A revisión debe servir para que o/a estudante poda percibir o seu nivel de coñecementos e carencias, tanto se resulta aprobado como suspenso. A dirección do centro garantirá o dereito do estudantado a revisar as súas cualificacións nos prazos establecidos.
Disposición derradeira. Entrada en vigor
Este acordo entrará en vigor na data da súa publicación no Diario Oficial de Galicia.
Este documento es de carácter informativo y no tiene valor jurídico. Está elaborado únicamente a partir de las normas publicadas en Lex.gal. Consulte la información contenida al respeto en la sección de preguntas frecuentes.
Volver